နိုဝင်ဘာလ ၁၂ ရက်နေ့တွင် ဆွစ်ဇာလန်နိုင်ငံ ဇူးရစ်မြို့၌ ကျင်းပသော အပြည်ပြည်ဆိုင်ရာ တံတားနှင့် ဖွဲ့စည်းမှု အင်ဂျင်နီယာ အဖွဲ့ချုပ် (IABSE) ၏ ဆုပေးပွဲတွင် တီယန်အယ် လုံတန် မဟာတံတား(Tian'e Longtan Grand Bridge)သည် လမ်းနှင့် မီးရထားတံတားကြီးများအတွက် IABSE ၏ အမြင့်ဆုံးဂုဏ်ထူးဆောင်ဆုကို ရရှိခဲ့သည်။ ဤစီမံကိန်းသည် ၄၃ လကြာ ပူးပေါင်းဆောင်ရွက်မှု၏ ရလဒ်ဖြစ်ပြီး၊ တရုတ် အင်ဂျင်နီယာ အကယ်ဒမီ၏ အဖွဲ့ဝင်နှင့် ကွမ်ရှီးတက္ကသိုလ်၏ အင်ဂျင်နီယာနှင့် ဆောက်လုပ်ရေးကျောင်း၏ ပါမောက္ခ ဇင့်ဂျီလီယန် (Zheng Jielian)၏ ဦးဆောင်မှုအောက်တွင် ဒီဇိုင်းရေးဆွဲခဲ့သည်။ တံတားကို ကွမ်ရှီးသယ်ယူပို့ဆောင်ရေး ရင်းနှီးမြှုပ်နှံမှု အုပ်စုမှ ငွေကြေးထောက်ပံ့ခဲ့ပြီး၊ ကွမ်ရှီ လမ်းနှင့် တံတား အင်ဂျင်နီယာ အုပ်စုမှ ဆောက်လုပ်ခဲ့သည်။ ဒီဇိုင်းအသေးစိတ်များကို ကွမ်ရှီသယ်ယူပို့ဆောင်ရေး ဒီဇိုင်း အုပ်စုမှ ပံ့ပိုးပေးခဲ့သည်။

ကွမ်ရှီး ရှိ Nandan-Tian'e Expressway ၏ အဓိက ပရောဂျက်ဖြစ်သော Tian'e Longtan Grand Bridge သည် အရှည် ၆၀၀ မီတာ ရှည်လျားသည့် အပေါ်ပိုင်းသယ် တောင့်တင်းသောဘောင်ကွန်ကရစ် ဂုံး တံတားသည်  ကမ္ဘာ့စံချိန်သစ်တင်ထားသည်။ယခုစံချိန် သည် ယခင်စံချိန်တင်ထားသော ယခင်ယူဂိုဆလားဗီးယားရှိ KRK တံတား ထက် ၂၁၀ မီတာ ၊ကွန်ကရစ် ဂုံး တံတားများအတွက် ကမ္ဘာ့စံချိန်ကို ၁၅၅ မီတာ မြှင့်တင်လိုက်သည်။

တံတား ဆောက်လုပ်ရေးတွင် နည်းပညာဆိုင်ရာ အခက်အခဲများစွာကို ကျော်လွှားခဲ့ရသည်။ အဓိကနည်းပညာဆိုင်ရာ တီထွင်မှုများအနက်၊ တည်ငြိမ်သော အရိုးတံ၏ တောင့်တင်းမှုကို ရွေးချယ်ခြင်း၊ အပြင်ဘက် ကွန်ကရစ်အလွှာအတွက် ကွန်ကရစ်လောင်းခြင်းနှင့် ပစ္စည်းရွေးချယ်ခြင်း၊ ကွန်ကရစ် အလေးချိန်ကို လျော့ချခြင်း၊ နှင့် အရိုးတံ၏ အရှည်လိုက် အားကောင်းမှုကို အကောင်းဆုံးဖြစ်စေရန် ပြုပြင်ခြင်းတို့ ပါဝင်သည်။ ဤတီထွင်မှုများသည် နည်းပညာနှင့် စီးပွားရေးအရ အကျိုးကျေးဇူးများကို အားသာစွာ ရရှိစေခဲ့သည်။

IABSE ကို ၁၉၂၉ ခုနှစ်တွင် တည်ထောင်ခဲ့ပြီး နိုင်ငံနှင့် ဒေသပေါင်း ၁၀၀ ကျော်မှ အဖွဲ့ဝင် ၄၂၀၀ ရှိပြီး အပြည်ပြည်ဆိုင်ရာ မြို့ပြအင်ဂျင်နီယာအသင်းတွင် အကြီးဆုံးအသင်းဝင်အဖြစ် ရပ်တည်လျက်ရှိသည်။ တံတားများနှင့် အဆောက်အဦများ အပါအဝင် အခြေခံအဆောက်အဦများတွင် ထူးချွန်သော ပရောဂျက်များကို အသိအမှတ်ပြု ဂုဏ်ပြုချီးမြှင့်ခြင်း အခမ်းအနားကို နှစ်စဉ်ကျင်းပသည်။ ယခုနှစ် ဆုပေးပွဲ အခမ်းအနားအတွက် ကမ္ဘာတစ်ဝှမ်းတွင် ပရောဂျက် ၃၈ ခု အမည်စာရင်း တင်သွင်းခဲ့ပြီး ၎င်းတို့အနက် ၁၃ ခုမှာ တရုတ်နိုင်ငံမှ ဖြစ်သည်။