https://dky.gxu.edu.cn/English/Home.htm

ကွမ်ရှီးတက္ကသိုလ်၏ တိရစ္ဆာန်သိပ္ပံနှင့်နည်းပညာကျောင်းကို ၁၉၃၈ ခုနှစ်တွင် စတင်တည်ထောင်ခဲ့ပြီး ယခင်က စိုက်ပျိုးရေးကျောင်း၊ ကွမ်ရှီးတက္ကသိုလ်၏ တိရစ္ဆာန်မွေးမြူရေးနှင့်ကုသရေးဆေးပညာဌာနဖြစ်သည်။ ၁၉၅၂ ခုနှစ်တွင် ကွမ်ရှီးစိုက်ပျိုးရေးကောလိပ်သည် လွတ်လပ်သောကောလိပ်အဖြစ် ပြောင်းလဲခဲ့ပြီး တိရစ္ဆာန် မွေးမြူရေးနှင့် တိရစ္ဆာန်ဆေးပညာဌာနကို ဖျက်သိမ်းခဲ့ပြီး တက္ကသိုလ်မှ ဆရာများကို တရုတ်နိုင်ငံတောင်ပိုင်း စိုက်ပျိုးရေးကောလိပ် (South China Agricultural College) နှင့် ဟွားကျုံစိုက်ပျိုးရေးကောလိပ် (Huazhong Agricultural College) ကဲ့သို့သော အခြားသောကောလိပ်များတွင် ပြောင်းရွှေ့ခန့်ထားခဲ့သည်။ မွေးမြူရေးဆိုင်ရာ ဖန်ပြွန်သန္ဓေသားဌာနကိုမူ ဆက်လက်ထားရှိခဲ့သည်။ ၁၉၅၈ ခုနှစ်တွင် တိရစ္ဆာန်မွေးမြူရေးနှင့် ကုသရေးဆေးပညာဌာနကို ကွမ်ရှီးစိုက်ပျိုးရေးကောလိပ်တွင် ပြန်လည်တည်ဆောက်ခဲ့သည်။ ၁၉၉၂ ခုနှစ်တွင် ကွမ်ရှီးစိုက်ပျိုးရေးကောလိပ် (Guangxi Agricultural College) ကို ကွမ်ရှီးစိုက်ပျိုးရေးတက္ကသိုလ် (Guangxi Agricultural University) ဟု အမည်ပြောင်းခဲ့သည်။ ၁၉၉၇ ခုနှစ်တွင် ကွမ်ရှီးစိုက်ပျိုးရေးတက္ကသိုလ်နှင့် ယခင် ကွမ်ရှီးတက္ကသိုလ်တို့အား ပေါင်းစည်းခဲ့ပြီး ကွမ်ရှီးတက္ကသိုလ်အသစ်ဖြစ်လာခဲ့ပြီး တိရစ္ဆာန်မွေးမြူရေးနှင့် ကုသရေးဆေးပညာဌာနကို ကွမ်ရှီးတက္ကသိုလ်၏ တိရစ္ဆာန်သိပ္ပံနှင့် နည်းပညာကျောင်းအဖြစ်ပြောင်းလဲခဲ့သည်။

ဌာနများ

တိရစ္ဆာန်သိပ္ပံနှင့် နည်းပညာကျောင်းတွင် အရည်အချင်းပြည့်ဝသော ဆရာ၊ ဆရာမများဖြင့် ဖွဲ့စည်းထားပြီး အချိန်ပြည့်ဆရာ ၇၂ ဦး (ပါမောက္ခ ၂၅ ဦးနှင့် တွဲဖက်ပါမောက္ခ ၂၆ ဦး)၊ ပါရဂူကြီးကြပ်ရေးမှူး ၃၀ ဦး နှင့် ဘွဲ့လွန်ကြီးကြပ်ရေးမှူး ၇၇ ဦး အပါအဝင် ဆရာ၊ ဆရာမ ၁၀၇ ဦးရှိသည်။ ၎င်းတို့အနက် ပါရဂူဘွဲ့ရ ဆရာ၊ ဆရာမ ၇၇ ဦးနှင့် နိုင်ငံရပ်ခြားတွင် စာသင်သက်တမ်းအတွေ့အကြုံရှိသော ဆရာ၊ ဆရာမ ၃၂ ဦးဖြင့် ဖွဲ့စည်းထားသည်။ လက်ရှိတွင် အမျိုးသားအဆင့် စာရင်းဝင် အဖွဲ့ဝင်တစ်ဦး၊ "ထူးချွန်သော ပံ့ပိုးကူညီမှုဖြင့် လူငယ်နှင့် သက်လတ်ပိုင်း ကျွမ်းကျင်သူများ" ခေါင်းစဉ်ဖြင့် တစ်ဦး၊ နိုင်ငံတော်ကောင်စီထံမှ အထူးအစိုးရထောက်ပံ့ကြေး လက်ခံရရှိသူ ၂ ဦး၊ "Bagui Scholar" ခေါင်းစဉ်ဖြင့် ၁ ဦး၊ ၊ ကွမ်ရှီးပြည်နယ်ရှိ တက္ကသိုလ်များ၏ "လူရည်ချွန် ၁၀၀ (Hundred Talents Program) အစီအစဉ်" စာရင်းဝင် ကွမ်ရှီးကျွမ်းကျင်ပညာရှင် ၃ ဦး၊ ကွမ်ရှီးတက္ကသိုလ်များ၏ ထူးချွန်ပညာတော်သင်တစ်ဦး၊ ကွမ်ရှီးသိပ္ပံနှင့် နည်းပညာဆိုင်ရာ အတိုင်ပင်ခံပညာရှင်တစ်ဦး၊ အမျိုးသားအုပ်ချုပ်မှုကော်မတီအဖွဲ့ဝင် ၁ ဦး၊ ပညာရေးဝန်ကြီးဌာန လက်အောက်ရှိ အဆင့်မြင့်ပညာသင်ကြားရေး ကော်မတီ၊ ပညာရေးဝန်ကြီးဌာန အမျိုးသားအုပ်ချုပ်မှုကော်မတီအဖွဲ့ဝင်များ၊ CDGDC ၏ သုံးသပ်သူတစ်ဦး၊ စိုက်ပျိုးရေးဝန်ကြီးဌာန၊ အာဆီယံရေထွက်ပစ္စည်း စျေးကွက်ကျွမ်းကျင်ပညာရှင် ၂ ဦး၊ ပင်လယ်ဧရိယာ အသုံးပြုမှုအပေါ် အငြင်းပွားခြင်းဆိုင်ရာ ကျွမ်းကျင်ပညာရှင် ၂ ဦးနှင့် အမျိုးသားခေတ်မီစိုက်ပျိုးရေးစနစ်၏ ကွမ်ရှီးဆန်းသစ်တီထွင်မှုအဖွဲ့မှ လုပ်ငန်းဆိုင်ရာကျွမ်းကျင်သူ ၃ ဦးတို့ဖြင့် ပါဝင်ဖွဲ့စည်းထားပါသည်။

စွမ်းရည်ပြည့်လေ့ကျင့်ရေး

တိရိစ္ဆာန်သိပ္ပံဌာန၊ တိရစ္ဆာန်ဆေးပညာဌာနနှင့် စမ်းသပ်ပညာရေးစင်တာတစ်ခုအပါအဝင် စွမ်းရည်ပြည့် လေ့ကျင့်ရေးစနစ်တစ်ခုကို ဖွဲ့စည်းထားပြီး တိရစ္ဆာန်ဆေးပညာနှင့် တိရစ္ဆာန်ဆေးပညာဆိုင်ရာ ဘွဲ့ကြိုဘာသာရပ်နှစ်ခုလုံးကို အမျိုးသားပထမတန်း ဘွဲ့ကြိုပရိုဂရမ်များအဖြစ် သတ်မှတ်ထားသည်။ ပထမအဆင့် ပါရဂူအစီအစဉ်နှစ်ခုဖြစ်သည့် တိရစ္ဆာန်မွေးမြူရေးနှင့် တိရစ္ဆာန်ဆေးပညာ (Animal Husbandry and Veterinary Medicine)၊ တိရစ္ဆာန်ဆေးပညာပါရဂူဘွဲ့ (Veterinary Medicine)၊ ပထမအဆင့် မဟာဘွဲ့အစီအစဉ်အတွက်  တိရစ္ဆာန်မွေးမြူရေး၊ တိရစ္ဆာန်ဆေးပညာနှင့် ငါးလုပ်ငန်း (Animal Husbandry, Veterinary Medicine and Fisheries) စသည့်ဘာသာရပ် ၃ ခုရှိပြီး၊ တိရစ္ဆာန်ဆေးပညာနှင့် စိုက်ပျိုးရေး (Veterinary Medicine and Agriculture) ဘာသာရပ် ၂ ခု၊ တိရစ္ဆာန်မွေးမြူရေးလုပ်ငန်းပါရဂူဘွဲ့လွန် မိုဘိုင်းသုတေသနစင်တာ ၁ ခုတို့ကို ဖွင့်လှစ်ထားရှိပါသည်။၊ ထို့အပြင် အမျိုးသားအဆင့် အဓိကစီမံချက်တစ်ခုဖြစ်သော တိရိစ္ဆာန်မျိုးရိုးဗီဇ၊ မွေးမြူခြင်းနှင့် မျိုးပွားခြင်း (Animal Genetics, Breeding and Reproduction)၊ ကွမ်ရှီးပထမတန်းစီမံချက်တစ်ခုဖြစ်သည့် (first-class construction discipline) တိရစ္ဆာန်မွေးမြူမှုဘာသာရပ် (Animal Husbandry) နှင့် ကွမ်ရှီးတိရစ္ဆာန်မွေးမြူရေးနှင့် တိရစ္ဆာန်ဆေးပညာဘာသာရပ် (Animal Husbandry and Veterinary Medicine) တို့ကို ဖွင့်လှစ်ထားရှိပါသည်။ ၂၀၂၂-၂၀၂၃ ပညာသင်နှစ်တွင် ဘွဲ့ကြိုကျောင်းသား၊ ကျောင်းသားစုစုပေါင်း ၉၄၈ ဦး၊ အချိန်ပြည့် ဘွဲ့လွန်ကျောင်းသား ၈၁၆ ဦး၊ အချိန်ပိုင်း ဘွဲ့လွန်ကျောင်းသား ၅၁ ဦး၊ ဘွဲ့လွန် (ဧည့်) ကျောင်းသား ၁၁ ဦး၊ ပါရဂူကျောင်းသား ၁၄၇ ဦး၊ နိုင်ငံတကာ ကျောင်းသား ၁၁ ဦးနှင့် ပါရဂူဘွဲ့လွန်ကျောင်းသား ၂ ဦး ရှိပါသည်။

သိပ္ပံသုတေသန

နိုင်ငံအလိုက် သုတေသနပလက်ဖောင်းနှစ်ခု (အပူပိုင်းဒေသ စိုက်ပျိုးရေး-ဇီဝအရင်းအမြစ်များ ထိန်းသိမ်းရေးနှင့် အသုံးချမှုအတွက် ပြည်နယ်၏အဓိကဓာတ်ခွဲခန်း၊ အပူပိုင်းဒေသစိုက်ပျိုးရေးဇီဝအရင်းအမြစ်များထိန်းသိမ်းရေးနှင့် အသုံးချမှုအတွက် နိုင်ငံတကာ သိပ္ပံနှင့်နည်းပညာပူးပေါင်းဆောင်ရွက်ရေးအခြေခံ) ပြည်နယ်နှင့်ဝန်ကြီးဌာန သုတေသနနှစ်ခုအပါအဝင်၊ ပလက်ဖောင်းများ (ကွမ်ရှီးကိုယ်ပိုင်အုပ်ချုပ်ခွင့်ရဒေသ၊ ကွမ်ရှီးဓာတ်ခွဲခန်း၊ တိရစ္ဆာန် ဆေးကုဇီဝဗေဒအင်ဂျင်နီယာဌာနသုတေသနဌာန၊ မွေးမြူရေးနှင့်ရောဂါကာကွယ် ထိန်းချုပ်ရေးတို့အတွက်၊ ကွမ်ရှီးတက္ကသိုလ်များ၏ အဓိကဓာတ်ခွဲခန်းတစ်ခု (ကျန်းမာသော ရေနေသက်ရှိများမွေးမြူခြင်းနှင့် ရေနေသတ္တဝါများ၏ အာဟာရဆိုင်ရာ စည်းမျဉ်း) နှင့် တက္ကသိုလ်အဆင့် သုတေသနအဖွဲ့နှစ်ခု (ကွမ်ရှီးတက္ကသိုလ် တိရစ္ဆာန်မျိုးပွားရေးဌာန၊ ကွမ်ရှီးတက္ကသိုလ်၊ တောရိုင်းတိရိစ္ဆာန်သုတေသနဌာန) တို့အပြင် တိရိစ္ဆာန် သိပ္ပံသင်ကြားရေးနှင့် သုတေသနအခြေခံနှင့် တိရိစ္ဆာန်ဆေးရုံကိုလည်း ထူထောင်ထားသည်။ ကျောင်းနှင့် စီးပွားရေးလုပ်ငန်းများ၊ ကျောင်းနှင့် ဒေသခံအသိုင်းအဝိုင်းများနှင့် ပူးပေါင်းဆောင်ရွက်မှုမှတစ်ဆင့် ရှန်ကျန်းစိုက်ပျိုးရေးမျိုးရိုးဗီဇအင်စတီကျု၊ တရုတ်စိုက်ပျိုးရေးသိပ္ပံအကယ်ဒမီနှင့် Guangxi Guiken Animal Husbandry Co. LTD တို့နှင့်အတူ ကျောင်းတွင်း၊ ကျောင်းပြင်ပသင်ကြားရေးနှင့် သုတေသနအလုပ်သင်ဌာန ၂၄ ခုကို ပူးတွဲတည်ထောင်ခဲ့သည်။

လွန်ခဲ့သောနှစ်ပေါင်း ၈၀ ကျောင်းစတင်တည်ထောင်ချိန်မှစ၍ ကျွန်ုပ်တို့သည် ကျောင်းသားများ၏ ပညာသင်ကြားရေးခရီးလမ်းတွင် အသက်မွေးဝမ်းကြောင်းဆိုင်ရာပညာရပ်များကို သင်ကြားပေးခြင်းထက် ၎င်းတို့၏အကျင့်စရိုက်နှင့် ကိုယ်ကျင့်တရားပညာကို ပြုစုပျိုး‌ထောင်ခြင်းဖြစ်သည့် ပညာရေးဖြင့်သီလမွေးမြူခြင်း နိယာမနှင့်အညီ ကွမ်ရှီးပြည်နယ်နှင့် တစ်နိုင်ငံလုံးအတွက် အရည်အချင်းရှိသည့် ကျောင်းသား စုစုပေါင်း ၂၀၀၀၀ ကျော်ကို ပြုစုပျိုးထောင်ပေးခဲ့ပါသည်။ သိပ္ပံနည်းကျ သုတေသနပြုချက်များအရ ကျွဲမွေးမြူရေး၊ တိရစ္ဆာန်ရောဂါ ကာကွယ်ထိန်းချုပ်ရေးစသည်ဖြင့် နယ်ပယ်အသီးသီးတွင် နိုင်ငံနှင့် ပြည်နယ်ဆိုင်ရာ ဆုအများအပြားကို ရရှိခဲ့ပါသည်။ နှစ်ပေါင်းများစွာ ကြိုးစားအားထုတ်မှုဖြင့် တိရစ္ဆာန်မွေးမြူရေး၊ တိရစ္ဆာန်ဆေးပညာနှင့် ရေလုပ်ငန်းဖွံ့ဖြိုးတိုးတက်ရေးတို့အတွက် ကြီးမားသော ပံ့ပိုးကူညီမှုများ ပြုလုပ်နိုင်ခဲ့ပါသည်။