ဧပြီလ ၂၀ ရက်နေ့တွင်၊ အမျိုးသားဘာသာစကားမြှင့်တင်ရေးအခြေစိုက်စခန်း (ကွမ်ရှီးတက္ကသိုလ်) နှင့် လစ်ဘရယ်ဝိဇ္ဇာကျောင်းတို့မှပူးပေါင်းစီစဉ်သည့် ၂၀၂၅ ခုနှစ် "အပြည်ပြည်ဆိုင်ရာ တရုတ်ဘာသာစကားနေ့" နှင့် ရိုးရာတရုတ်ယဉ်ကျေးမှုအတွေ့အကြုံပွဲကို  GXU ကျောင်းသားလှုပ်ရှားမှုစင်တာ၌ကျင်းပခဲ့သည်။ အခမ်းအနားသို့ တရုတ်နှင့် နိုင်ငံတကာမှ ဆရာများနှင့် ကျောင်းသား ၇၀၀ ကျော် တက်ရောက်ခဲ့သည်။

"မိုးရေက အာဟာရဖြစ်စေတယ်၊ တရုတ်တံတားက ကမ္ဘာကြီးရဲ့နှလုံးသားတွေကို ချိတ်ဆက်ပေးသည်"ခေါင်းစဉ်ဖြင့် ကျောင်းသားများအား တရုတ်ယဉ်ကျေးမှု၏ အလှတရားကို တန်ဖိုးထားရန်၊ ယဉ်ကျေးမှုဆိုင်ရာ တတ်မြောက်မှုအားကောင်းစေရန်နှင့် လူငယ်များ ဖွံ့ဖြိုးတိုးတက်လာစေရန်အတွက် ရည်ရွယ်သည့် အခမ်းအနားဖြစ်သည်။ဖျော်ဖြေေရေးတွင် လက်ဖက်ရည်အက၊ ထိုက်ချိ နှင့် ကဗျာရွတ်ဆိုခြင်းများ ပါဝင်ပါသည်။ ဖျော်ဖြေသူများသည် ရိုးရာယပ်တောင်များကို အသုံးပြု၍ တောင်ပိုင်းဒေသ၏ ဆွဲဆောင်မှုကိုဖော်ပြကာ၊ တိုက်ခိုက်လေ့ကျင့်ပညာများဖြင့် ရှေးဟောင်းသဘောတရားများကိုဖော်ကြူးခြင်းမှာ ပရိတ်သတ်များ၏ အားပေးခြင်းကို ရရှိခဲ့သည်။အခမ်းအနားတွင် လက်ရေးလှ၊ နှစ်သစ်ပန်းချီဆွဲခြင်းနှင့် ဒေသိယစကားအပြန်အလှန်ပြောဆိုခြင်းကဲ့သို့သော အတွေ့အကြုံဇုန် ၁၅ ခုကိုလည်း ပြသထားသည်။တရုတ်နှင့် နိုင်ငံတကာမှ ကျောင်းသားများသည် ဟန်ဖူ(ဟန်တရုတ်လူမျိုးတို့၏ ရိုးရာအဝတ်အစား)များကို ၀တ်ဆင်ကြပြီး အခမ်းအနားကို ဆင်နွှဲကြသည်။

GXU သည် “အပြည်ပြည်ဆိုင်ရာ တရုတ်ဘာသာစကားနေ့” ကို ခြောက်နှစ်ဆက်တိုက် ကျင်းပခဲ့ပြီး၊ တရုတ်နှင့် နိုင်ငံတကာ ဆရာများနှင့် ကျောင်းသားများအကြား ယဉ်ကျေးမှု ဆက်သွယ်ရေးနှင့် ကူးလူးဖလှယ်ရေး တံတားတစ်ခု တည်ဆောက်ကာ ယဉ်ကျေးမှု ချိတ်ဆက်မှုနှင့် ပေါင်းစည်းမှုကို မြှင့်တင်ခဲ့သည်။မကြာသေးမီနှစ်များအတွင်း၊ GXU သည် အရှေ့တောင်အာရှ၊ ဥရောပ၊ အာဖရိကနှင့် အခြားဒေသများရှိ တရုတ်ဘာသာစကား စေတနာ့ဝန်ထမ်းအဖြစ် နိုင်ငံတကာမှ တရုတ်ဘာသာစကားပညာရေးနှင့် အခြားအဓိကဘာသာရပ်များမှ ကျောင်းသားများကို နှစ်စဉ်စီစဉ်ပေးခဲ့သည်။သူတို့သည် တရုတ်ဘာသာစကားသင်ကြားခြင်းနှင့် တရုတ်ယဉ်ကျေးမှုမြှင့်တင်ခြင်းစသည့် လက်တွေ့ကျသော လှုပ်ရှားမှုများကို လုပ်ဆောင်ကြသည်။ကျောင်းသားလူငယ်များအကြား ယဉ်ကျေးမှု အသိပညာနှင့် ယုံကြည်မှု၏ အခြေခံအုတ်မြစ်ဖြစ်သော ဤအစပြုမှုများသည် တရုတ်နိုင်ငံ၏ ပြောင်မြောက်သော ရိုးရာယဉ်ကျေးမှုကို ခေတ်သစ်ကမ္ဘာ့စင်မြင့်တွင် ထွန်းလင်းစေပါသည်။