មហាវិទ្យាល័យសារព័ត៌មាននិងទំនាក់ទំនង

https://xwcb.gxu.edu.cn/English/Home.htm

មហាវិទ្យាល័យសារព័ត៌មាននិងទំនាក់ទំនងមានទីតាំងស្ថិតនៅទីក្រុងណាននីងប្រទេសចិន ហើយមានកិត្តិនាមជាផ្នែកមួយនៃសាកលវិទ្យាល័យបួនដំបូងបង្អស់ដែលបានផ្តល់កម្មវិធីបរិញ្ញាបត្រនៅក្នុងវិស័យសារព័ត៌មាន។ មហាវិទ្យាល័យត្រូវបានបង្កើតឡើងតាំងពីឆ្នាំ1972។ នៅឆ្នាំ 1986 សាលា ត្រូវបានផ្តល់សិទ្ធិក្នុងការផ្តល់សញ្ញាប័ត្រអនុបណ្ឌិតផ្នែកសារព័ត៌មានធ្វើឱ្យ មហាវិទ្យាល័យនេះក្លាយជាស្ថាប័នមួយក្នុងចំនោមស្ថាប័នដំបូងទាំងប្រាំនៅ ក្នុងប្រទេសចិនដែលទទួលបានការទទួលស្គាល់នេះ។នៅឆ្នាំ2008មហាវិទ្យាល័យនេះបានបំបែកចេញពីមហាវិទ្យាល័យវប្បធម៌និងទំនាក់ទំនងហើយនៅក្នុងឆ្នាំ2015មហាវិទ្យាល័យសារព័ត៌មានត្រូវបានផ្លាស់ទីទៅអគារថ្មីផ្ទាល់ ខ្លួន។ ដោយការពង្រីកកម្មវិធីសិក្សាត្រូវបានទទួលស្គាល់មហាវិទ្យាល័យនេះ បានប្តូរឈ្មោះជាផ្លូវការក្នុងខែធ្នូឆ្នាំ2018ទៅជាមហាវិទ្យាល័យសារព័ត៌មាននិងទំនាក់ទំនង។

មហាវិទ្យាល័យនេះផ្តល់ជូនជំនាញបរិញ្ញាបត្រចំនួនបួនគឺ ជំនាញសារព័ត៌មាន ជំនាញការផ្សាយពត៌មានទូរទស្សន៍ ជំនាញការផ្សព្វផ្សាយពាណិជ្ជកម្មនិងជំនាញអ្នកអានសារពត៌មាននិងពិធីករ។ មហាវិទ្យាល័យត្រូវបានអនុញ្ញាតឱ្យផ្តល់សញ្ញាប័ត្រអនុបណ្ឌិតនៅក្នុងកម្រិតទីមួយនៃសារព័ត៌មាននិងទំនាក់ទំនង។ លើសពីនេះមហាវិទ្យាល័យក៏ផ្តល់សញ្ញាប័ត្រអនុបណ្ឌិតនៅក្នុងជំនាញកម្រិតទីពីរចំនួនបួនដទៃទៀតគឺជំនាញសារព័ត៌មាន ជំនាញទំនាក់ទំនង ជំនាញសេដ្ឋកិច្ចប្រព័ន្ធផ្សព្វផ្សាយ និងជំនាញការផ្សាយពាណិជ្ជកម្ម។ មហាវិទ្យាល័យក៏ត្រូវបានអនុញ្ញាតឱ្យផ្តល់សញ្ញាប័ត្រអនុបណ្ឌិតផ្នែកសារព័ត៌មាន និងទំនាក់ទំនងផងដែរ។ កម្មវិធីសារព័ត៌មានត្រូវបានទទួលស្គាល់ជា “ជំនាញដែរមានលក្ខណៈពិសេសថ្នាក់ជាតិ” ដែលមានគុណភាពខ្ពស់ និងលក្ខណៈពិសេស។ ទាំងកម្មវិធីសារព័ត៌មាន និងសិល្បៈនៃការផ្សាយ និងសម្របសម្រួលត្រូវបានកំណត់ថាជារិញ្ញាបត្រលំដាប់ទីមួយចំណុចអភិវឌ្ឍន៍ពិសេសដែលបង្ហាញពីឧត្តមភាពក្នុងការអប់រំ និងការបណ្តុះបណ្តាល។ ការផ្សាយទូរទស្សន៍ និងការផ្សាយត្រូវបានគេទទួលស្គាល់ថាជាជំនាញបរិញ្ញាបត្រលំដាប់ទីមួយនៅក្នុងតំបន់ស្វយ័តក្វាងស៊ីដែលបង្ហាញពីស្តង់ដារខ្ពស់ និងកេរ្តិ៍ឈ្មោះល្បីល្បាញ។

មហាវិទ្យាល័យនេះបានទទួលរង្វាន់ជាច្រើនសម្រាប់ស្នាដៃល្អឥតខ្ចោះរបស់ខ្លួន។ មហាវិទ្យាល័យត្រូវបានផ្តល់តំណែងជាជួរមុខមួយសម្រាប់ការងារផ្សព្វផ្សាយគំនិត និងវប្បធម៌ចាប់ពីឆ្នំា 2013ដល់ឆ្នំា2018ដែលបង្ហាញពីការរួមចំណែកដ៏សំខាន់របស់ខ្លួននៅក្នុងតំបន់។ នៅខែមីនា2019មហាវិទ្យាល័យនេះត្រូវបានជ្រើសរើសជាអង្គភាពមួយក្នុងចំណោមពីរក្រុមដែលជាមហាវិទ្យាល័យកំណែទម្រង់ដ៏ទូលំទូលាយសម្រាប់គំនិតផ្តួចផ្តើម "Sanquan Yuren" ដែលសង្កត់ធ្ងន់លើសិស្សទាំងអស់ ដំណើរការទាំងមូល និងការអប់រំគ្រប់ជ្រុងជ្រោយ។ នៅឆ្នាំ 2020 មហាវិទ្យាល័យត្រូវបានតែងតាំងជាអង្គភាពរាយការណ៍សម្រាប់ "ពានរង្វាន់សារព័ត៌មានចិន" ដ៏មានកិត្យានុភាពនិងត្រូវបានចាត់តាំងជាចំណុចរាយការណ៍ផ្ទាល់សម្រាប់ព័ត៌មានមតិសាធារណៈដោយនាយកដ្ឋានសាធារណៈនៃគណៈកម្មាធិការកណ្តាលCPC។ ការទទួលស្គាល់ទាំងនេះបញ្ជាក់ពីតួនាទីដ៏លេចធ្លោរបស់មហាវិទ្យាល័យក្នុងការរៀបចំការអនុវត្តសារព័ត៌មាន និងការសម្រួលដល់សុន្ទរកថាសាធារណៈ។

បច្ចុប្បន្ននេះ មានបុគ្គលិកចំនួន 50 នាក់នៅលើបញ្ជីប្រាក់បៀវត្សរ៍ធម្មតានៅក្នុងមហាវិទ្យាល័យ។ ក្នុងចំណោមនោះ មានគ្រូបង្រៀនពេញម៉ោងចំនួន 32 នាក់ ដែលក្នុងនោះមាន 9 នាក់ជាព្រឹទ្ធាចារ្យដែលមានឋានៈជាន់ខ្ពស់ (ស្មើនិង 28.1%) សាស្ត្រាចារ្យរងចំនួន 15 នាក់ (ស្មើនិង 46.9%) និងអ្នកមានសញ្ញាប័ត្របណ្ឌិតចំនួន 23 នាក់ (ស្មើនិង 71.9%)។ លើសពីនេះ មហាវិទ្យាល័យត្រូវបានគាំទ្រដោយក្រុមអ្នកគ្រប់គ្រងថ្នាក់អនុបណ្ឌិតចំនួន 26 នាក់ ដែលផ្តល់ការណែនាំ និងការគាំទ្រដល់សិស្សដែលបន្តការសិក្សាថ្នាក់បរិញ្ញាបត្រជាន់ខ្ពស់។ មហាវិទ្យាល័យបច្ចុប្បន្នមាននិស្សិតបរិញ្ញាបត្រចំនួន 900 នាក់ និងនិស្សិតអនុបណ្ឌិតចំនួន 250 នាក់។

លក្ខណៈពិសេសនៃកម្មវិធី

មហាវិទ្យាល័យអនុវត្តម៉ូដែល “មជ្ឈមណ្ឌលបួនក្រោមមហាវិទ្យាល័យមួយ” ដែលរួមបញ្ចូលមជ្ឈមណ្ឌលស្រាវជ្រាវសារព័ត៌មានម៉ាកស៊ីស្ត, មជ្ឈមណ្ឌលសារព័ត៌មានអាស៊ាន និងសារព័ត៌មានចិន-អាស៊ាន, មជ្ឈមណ្ឌលស្រាវជ្រាវទំនាក់ទំនងវប្បធម៌ជាតិក្វាងស៊ី និងមជ្ឈមណ្ឌលស្រាវជ្រាវអាកាសធាតុ និងទំនាក់ទំនងសុខភាព។ មជ្ឈមណ្ឌលទាំងនេះស្ថិតក្រោមការដឹកនាំដោយមហាវិទ្យាល័យសារព័ត៌មាននិងការទំនាក់ទំនងហើយឆ្លើយឆ្លងជាមួយផ្នែក ទំាងបួននៅក្នុងមហាវិទ្យាល័យដែលផ្នែកនីមួយៗមានលក្ខណៈពិសេសរបស់ខ្លួន។

ការបណ្តុះបណ្តាលទេពកោសល្យ

មហាវិទ្យាល័យបានអភិវឌ្ឍម៉ូដែលបណ្តុះបណ្តាលទេពកោសល្យដែលមលក្ខណៈបញ្ចូលគ្នារវាង “រដ្ឋាភិបាល,ឧស្សាហកម្ម,សាកលវិទ្យាល័យ, និងស្ថាប័នស្រាវជ្រាវ” ដែលកំពុងរីកចម្រើនឡើងយ៉ាងខ្លាំង។ ម៉ូដែលនេះបានបណ្ដុះបណ្ដាលនិស្សិតថ្នាក់បរិញ្ញាបត្រជាង 5,000 នាក់ និងនិស្សិតអនុបណ្ឌិតចំនួន 1,700 នាក់ដោយជោគជ័យ។ និស្សិតជាច្រើនបានក្លាយជាអ្នកដឹកនាំដែលមានឥទ្ធិពលនៅក្នុងអង្គការសារព័ត៌មានសំខាន់ៗទាំងនៅក្នុងនិងក្រៅតំបន់។ ជំនាញសារព័ត៌មាននិងសមត្ថភាពជាក់ស្តែងរបស់និស្សិត បញ្ចប់ការសិក្សាត្រូវបានទទួលស្គាល់ក្នុងបន្ទាត់ការងារ។

បន្ថែមពីនេះនិស្សិតពីមហាវិទ្យាល័យបានទទួលលទ្ធផលល្អឥតខ្ចោះនៅក្នុងការប្រកួតច្រើនប្រភេទ ដូចជាការប្រកួតសិល្បៈផ្សព្វផ្សាយនៃនិសិត្ស ទូទំាងប្រទេស និងការប្រកួតនៅក្នុងវិស័យពាក់ព័ន្ធផ្សេងៗ។ ក្នុងរយៈពេល៣ឆ្នាំចុងក្រោយពួកគេបានទទួលរង្វាន់ជាង១០០រង្វាន់នៅកម្រិតខេត្ត និងកម្រិតក្រសួងរួមទាំងរង្វាន់ដែលមានកិត្តិយសជាច្រើន។

ការសហការនៃការសាងសង់មហាវិទ្យាល័យនាយកដ្ឋានផ្សព្វផ្សាយនៃគណៈកម្មាធិការបក្សនៃតំបន់ស្វយ័តក្វាងស៊ីនិងសាកលវិទ្យាល័យក្វាងស៊ី

នៅថ្ងៃទី 8 ខែកក្កដា ឆ្នាំ 2014 នាយកដ្ឋានផ្សព្វផ្សាយនៃគណៈកម្មាធិការCPCក្វាងស៊ីនិងសាកលវិទ្យាល័យក្វាងស៊ីបានចុះហត្ថលេខាលើកិច្ចសន្យាដើម្បីបង្កើតរួមគ្នានូវមហាវិទ្យាល័យសារព័ត៌មាន និងទំនាក់ទំនង។ កិច្ចខិតខំប្រឹងប្រែងរួមគ្នានេះផ្តោតលើទិដ្ឋភាពសំខាន់ៗចំនួនប្រាំ រួមមានអង្គការគ្រប់គ្រង វគ្គបណ្តុះបណ្តាលល្អៗ ក្រុមទេពកោសល្យ មូលដ្ឋានអនុវត្ត និងក្រុមអ្នកស្រាវជ្រាវ។តាមរយៈការស្វែងយល់ជាក់ស្តែង ការលើកកម្ពស់យ៉ាង សំខាន់ត្រូវបានសម្រេចនៅក្នុងគុណភាពអប់រំដែលពាក់ព័ន្ធនឹងទស្សនៈម៉ាក្សនិយមនៃសារព័ត៌មាន។ របៀបហ្វឹកហ្វឺនទេពកោសល្យ និងយន្តការកសាងរួមគ្នាបានពង្រីកដល់មហាវិទ្យាល័យសរុបចំនួន 15 និងនាយកដ្ឋានផ្នែកសារព័ត៌មាន និងទំនាក់ទំនងក្នុងខេត្តក្វាងស៊ី ដោយធានាបាននូវការគ្របដណ្តប់លើសហសំណង់ដ៏ទូលំទូលាយ។

ការរៀបចំវគ្គសិក្សាដ៏ល្អ៖ បន្តជាមួយភាពនាំមុខនៃឧស្សាហកម្មសារព័ត៌មាន

ដើម្បីផ្តោតលើការរៀបចំវគ្គសិក្សាដ៏ល្អ ស៊េរីនៃការរួមបញ្ចូលគ្នាត្រូវបានអនុវត្ត រួមទាំងក្រុមវគ្គសិក្សាចំនួន 13 ដែលមិនត្រឹមតែនិយាយអំពីព្រំដែនសិក្សាប៉ុណ្ណោះទេ ប៉ុន្តែថែមទាំងរក្សាភាពពាក់ព័ន្ធយ៉ាងជិតស្និទ្ធទៅនឹងការ អនុវត្តជាក់ស្តែងផងដែរ។ឧទាហរណ៍នៃក្រុមវគ្គសិក្សាទាំងនេះ រួមមាន គំនិតសារព័ត៌មានម៉ាក្សនិយម និងការអប់រំអំពីស្ថានភាពជាតិ។

ការចិញ្ចឹមបីបាច់ទស្សនៈម៉ាក្សនិយមក្នុងវិស័យសារព័ត៌មានមហាវិទ្យាល័យបានអនុវត្តសកម្មភាព "ការអាន និងការបង្រៀន" ជាវគ្គសិក្សាកំហិត ដែលត្រូវបានដាក់បញ្ចូលទៅក្នុងផែនការបណ្តុះបណ្តាល សកម្មភាពទាំងនេះរួមមានការអានស្នាដៃដើម សិក្សាអត្ថបទជាមូលដ្ឋាន ស្វែងយល់ពីគោលការណ៍ស្នូល ចូលរួមក្នុងក្លឹបអាន ថ្នាក់ចូលរួមសុន្ទរកថាសំខាន់ៗ បញ្ជូនរបាយការណ៍អានសម្រាប់ការវាយតម្លៃ ការចូលរួមក្នុងការប្រកួតប្រជែងជំនាញវិជ្ជាជីវៈ ការរៀបចំក្រុមការអានសម្រាប់ស្នាដៃដើម និងការចូលរួមក្នុងការធ្វើតេស្តតាមអ៊ីនធឺណិតលើទស្សនៈម៉ាក្សនិយមទៅលើសារព័ត៌មាន ដែលទាំងអស់នេះត្រូវបានរៀបចំឡើងដើម្បីផ្តល់ការអប់រំដល់សិស្សានុសិស្សក្នុងទម្រង់ដែលពេញនិយម តាមរយៈវគ្គសិក្សាអានដែលបើកចំហ ខ្លឹមសារនៃការបង្រៀនដែលរួមបញ្ចូល និងវិធីសាស្រ្តវាយតម្លៃដ៏ទូលំទូលាយ កាអប់រំអំពីទស្សនវិស័យម៉ាក្សនិយមនៃអ្នកសារព័ត៌មានត្រូវបានអនុវត្តក្នុងលក្ខណៈទូលំទូលាយនិងមានការចូលរួមយ៉ាងមោះមុត។

សហប្រតិបត្តិការនៃការបណ្តុះបណ្តាល៖បង្កើតមូលដ្ឋានអនុវត្តពិសោធន៍

ចាប់តាំងពីគំនិតផ្តួចផ្តើមការសហប្រតិបត្តិការត្រូវបានអនុវត្ត មហាវិទ្យាល័យបានសាងសង់ដោយជោគជ័យនូវអគារជាច្រើនតាមលំដាប់លំដោយ ដែលរួមមានអគារមហាវិទ្យាល័យសារព័ត៌មាន ដែលផ្ទៃដីលាតសន្ធឹង 23,000 ម៉ែត្រការ៉េ។ លើសពីនេះទៅទៀតមជ្ឈមណ្ឌលបង្ហាញការ បង្រៀន សាកល្បងប្រព័ន្ធផ្សព្វផ្សាយកម្រិតតំបន់ស្វយ័តត្រូវបានបង្កើតឡើងជាមួយនឹងការវិនិយោគចំនួន 33 លានយ័ន មជ្ឈមណ្ឌលនេះត្រូវបានបំពាក់ដោយមន្ទីរពិសោធន៍សារព័ត៌មានទំនើបចំនួន 12 រួមមាន មជ្ឈមណ្ឌលសមាហរណកម្មប្រព័ន្ធផ្សព្វផ្សាយ មជ្ឈមណ្ឌលផ្សព្វផ្សាយអន្តរកម្មគ្រប់ប្រព័ន្ធ ,មជ្ឈមណ្ឌលបង្រៀនពិសោធន៍រូបថត និងវីដេអូ ,មន្ទីរពិសោធន៍ប្រព័ន្ធផ្សព្វផ្សាយទាំងអស់រវាងកាសែត និងកាសែត និងមន្ទីរពិសោធន៍កែសម្រួលវិទ្យុ និងទូរទស្សន៍ ។ លើសពីនេះ មហាវិទ្យាល័យទទួលបានការយល់ព្រម ពីមូលដ្ឋានអនុវត្តថ្នាក់ជាតិក្រៅបរិវេណសាលាសម្រាប់និស្សិតមហាវិទ្យាល័យ វេទិកាអប់រំរួមគ្នាថ្នាក់តំបន់ស្វយ័ត និងមូលដ្ឋានការងារក្រៅបរិវេណមហាវិទ្យាល័យចំនួន 12 នៅក្នុងស្ថាប័នប្រព័ន្ធផ្សព្វផ្សាយសំខាន់ៗ។

ការរួមគ្នាបង្កើតក្រុមអ្នកគិត៖ ជំរុញឧត្តមភាពនៃមុខវិជ្ជាសិក្សា

មហាវិទ្យាល័យបានលេចចេញជាមូលដ្ឋានបណ្តុះបណ្តាលទេពកោសល្យសម្រាប់ប្រទេសចិនភាគនិរតី ក្រោមអតីតរដ្ឋបាលទូទៅនៃសារព័ត៌មាន និងការបោះពុម្ព។ មហាវិទ្យាល័យក៏បម្រើជាមូលដ្ឋានស្រាវជ្រាវ និងអនុវត្តសម្រាប់ទស្សនៈម៉ាក្សនិយមនៃសារព័ត៌មាននៅតំបន់ស្វយ័តក្វាងស៊ី និងជាមូលដ្ឋានបណ្តុះបណ្តាលទេពកោសល្យសម្រាប់ឧស្សាហកម្មវប្បធម៌អាស៊ានរបស់ប្រទេសចិន ។ ក្នុងប៉ុន្មានឆ្នាំថ្មីៗនេះ ក្រុមស្រាវជ្រាវរបស់មហាវិទ្យាល័យបានទទួលជោគជ័យនូវគម្រោងស្រាវជ្រាវថ្នាក់ជាតិចំនួន 13 រួមមានគម្រោងថ្នាក់ជាតិចំនួន8ដែលផ្តោតលើការសិក្សាអំពីប្រព័ន្ធផ្សព្វផ្សាយ អាស៊ាន និងទំនាក់ទំនងក្នុងតំបន់ចិន-អាស៊ាន។ លើសពីនេះ ពួកគេបាន អនុវត្តគម្រោងស្រាវជ្រាវចំនួន ១២៤ នៅថ្នាក់ខេត្ត ថ្នាក់ក្រសួង ថ្នាក់ខេត្ត សាលារៀនផ្សេងៗ។ អត្ថបទជាង 10 ត្រូវបានបោះពុម្ពផ្សាយផងដែរ។ គួរឪ្យកត់សម្គាល់នៅក្នុងឆ្នាំ 2017គម្រោង"សមាហរណកម្មស៊ីជម្រៅ នៃក្រសួង និងសាលារៀន៖ ការស្វែងយល់និងអនុវត្តការបណ្តុះ បណ្តាល អ្នកសារ ព័ត៌មានឆ្នើម"បានឈ្នះពានរង្វាន់ទីមួយ សម្រាប់សមិទ្ធិផល នៃការបង្រៀននៅកម្រិតតំបន់ស្វយ័ត។ កនៅឆ្នាំ 2019 សាស្រ្តាចារ្យ Zheng Baoweiអតីតប្រធានសាលាបានទទួលគម្រោងធំៗពីមូលនិធិវិទ្យាសាស្ត្រ សង្គមជាតិ។គម្រោងទាំងនេះមាន"ការស្រាវជ្រាវលើការផ្លាស់ប្តូរនៃគោលនយោបាយព័ត៌មានរបស់ CPC ក្នុងសតវត្សកន្លងមកនេះ (1921-2021)" និង "តាំងយុទ្ធសាស្រ្តនិងយុទ្ធនាការសកម្មភាពនៃការទំនាក់ទំនងអាកាសធាតុនៅក្នុងប្រទេសចិន នៅក្រោមបរិបទនៃការសាងសង់អរិយធម៌អេកូឡូស៊ី និងគំនិតអភិវឌ្ឍបៃតង"។

លក្ខណៈពិសេសរបស់មហាវិទ្យាល័យ៖ សមាហរណកម្មក្រសួង-សកលវិទ្យាល័យ និងការអប់រំរួមគ្នាជាមួយរដ្ឋាភិបាល ឧស្សាហកម្ម សាកលវិទ្យាល័យ និងវិទ្យាស្ថានស្រាវជ្រាវចាប់តាំងពីការបង្កើតប្រព័ន្ធឯករាជ្យរបស់មហាវិទ្យាល័យមក វឌ្ឍនភាពសំខាន់ៗត្រូវបានបង្កើតឡើងក្នុងវិស័យផ្សេងៗ ដែលរួមមានការសាងសង់អគារមហាវិទ្យាល័យសារព័ត៌មាន ការបង្កើតវេទិកាមន្ទីរពិសោធន៍ និងការសហការសាងសង់វគ្គសិក្សា ការចាត់តាំងបុគ្គលិក និងវេទិកាអនុវត្ត។ ក្រសួង និងមហាវិទ្យាល័យបានចូលរួមយ៉ាងសកម្មក្នុងការសហការ និងសម្រេចបានសមាហរណកម្មយ៉ាងស៊ីជម្រៅ ត្រួសត្រាយផ្លូវសម្រាប់គំរូថ្មីនៃការអប់រំរួមគ្នា។

កំណែទម្រង់ដ៏ទូលំទូលាយនៃ "Sanquan Yuren" (អប់រំសិស្សទាំងអស់ អប់រំពេញមួយដំណើរ អប់រំគ្រប់ជ្រុងជ្រោយ)និងការអនុវត្តជោគជ័យនៃ ការសាងសង់សាកល្បងមហាវិទ្យាល័យបានចូលរួមយ៉ាងសកម្មនៅក្នុងគំនិតផ្តួចផ្តើមកំណែទម្រង់ដ៏ទូលំទូលាយដែលហៅថា "Sanquan Yuren" និងខិតខំអនុវត្តវិធានការសាងសង់លំអិតយ៉ាងមានប្រសិទ្ធភាព។ តាមរយៈការអនុវត្ត "ផែនការសកម្មភាព Wuwu" មហាវិទ្យាល័យមានគោលបំណងបង្តើតអ្នកសារព័ត៌មានពិសេស និងទេពកោសល្យទំនាក់ទំនងដែលអាចបម្រើសង្គមនិងប្រជាជនបាន។ ក្រោមការដឹកនាំរបស់ Ma Xinguan មហាវិទ្យាល័យបានប្រើប្រាស់ភាពខ្លាំងរបស់បុគ្គលវប្បធម៌និងប្រព័ន្ធផ្សព្វផ្សាយ ដើម្បីស្វែងយល់ឱ្យបានពេញលេញនូវធាតុផ្សំនៃការអប់រំនិងតក្កវិជ្ជា ដែលបានបង្កប់នៅក្នុងទីតំាងការងារផ្សេងៗ។ធាតុផ្សំទាំងនេះត្រូវបានបញ្ចូលទៅក្នុងការរចនាប្រព័ន្ធទូទៅនិងដំណើរការប្រតិបត្តិជាក់លាក់ដែល បង្កើតបានជាកម្មវិធីសិក្សាបង្ហាញពីការអប់រំវិជ្ជាជីវៈ និងការបង្កើត ប្រព័ន្ធ មីក្រូអប់រំ។"

ការបង្កើតទិនានុប្បវត្តិដើម្បីជំរុញការអភិវឌ្ឍន៍មុខវិជ្ជាសិក្សាក្នុងមហាវិទ្យាល័យដើម្បីជំរុញការអភិវឌ្ឍន៍មហាវិទ្យាល័យបានផ្តួចផ្តើមគំនិតបង្កើតការបោះពុម្ពផ្សាយទស្សនាវដ្ដីរួមមា ព័ត៌មានជាច្រើនដូចជា ប្រវត្តិទំនាក់ទំនងព័ត៌មាន ,វប្បធម៌ និងទំនាក់ទំនងសង្គ្រាមប្រឆាំងជប៉ុន ,ការទំនាក់ទំនងវប្បធម៌មហាជន ,វប្បធម៌ផ្សាយពាណិជ្ជកម្ម និងការប្រាស្រ័យទាក់ទង ។ល។ គោលបំណងសំខាន់នៃកិច្ចខិតខំប្រឹងប្រែងនេះគឺដើម្បីលើកកម្ពស់គុណភាពនៃការបោះពុម្ពផ្សាយខណៈពេលដែលគាំទ្រយ៉ាងសកម្មដល់ការអភិវឌ្ឍន៍នេះ។បញ្ចេញឥទ្ធិពលខ្លាំង និងភាពជាគំរូកិច្ចសហប្រតិបត្តិការយ៉ាង ពេញលេញរវាងក្រសួងអប់រំ  និងមហាវិទ្យាល័យ ព្រមទាំងវិធីសាស្រ្តអប់រំ សិស្សទាំងអស់ ដំណើរការទាំងមូល និងគ្រប់ជ្រុងជ្រោយហើយត្រូវបាន ទទួលស្គាល់ដោយសារព័ត៌មានជាតិ និងខេត្ត។ គួរឪ្យកត់សម្គាល់មានដូចជា "Three Learning Education Newsletters" "Guangming Daily" "People's Daily" និងការបោះពុម្ពផ្សាយផ្សេងទៀតដែលឧបត្ថម្ភដោយនាយកដ្ឋាន ឃោសនា នៃគណៈកម្មាធិការមជ្ឈិមបក្សកុម្មុយនិស្តចិនដែលរាយការណ៍អំពីការអនុវត្ត និងបទពិសោធន៍នៃការសាងសង់រួមគ្នា។  មហាវិទ្យាល័យត្រូវបានផ្តល់កិត្តិយសដល់ទៅបីដងជាគម្រោងប្រកបដោយភាពច្នៃប្រឌិតក្នុងកំណែទម្រង់ការបង្រៀនផ្នែកសារព័ត៌មាន និងទំនាក់ ទំនងនៅក្នុងប្រទេសចិន។ ក្រុមនិស្សិតជាង 50 ក្រុមមកពីបណ្តាលសាកលវិទ្យាល័យនានាទូទាំងប្រទេសបានមកមហាវិទ្យាល័យដើម្បីផ្លាស់ប្តូរនិងសិក្សា។ សមិទ្ធិផលទាំងនេះបានធ្វើឱ្យមហាវិទ្យាល័យក្លាយជាស្ថាប័នគំរូ និងឈានមុខគេក្នុងវិស័យសារព័ត៌មាន និងការអប់រំទំនាក់ទំនង មិនត្រឹមតែក្នុងតំបន់ប៉ុណ្ណោះទេ ថែមទាំងថ្នាក់ជាតិ និងក្នុងចំណោមប្រទេសអាស៊ានទៀតផង។

ចក្ខុវិស័យមហាវិទ្យាល័យ

មហាវិទ្យាល័យបានប្តេជ្ញាចិត្តក្នុងការលើកកម្ពស់គុណភាពនៃការបណ្តុះបណ្តាលទេពកោសល្យដែលជាគោលបំណងស្នូល។ មហាវិទ្យាល័យបានកំណត់ការកសាងមុខវិជ្ជានៅជួរមុខ ផ្តល់អាទិភាពដល់ការអភិវឌ្ឍន៍មុខវិជ្ជា និងចាត់ទុកការបណ្តុះទេពកោសល្យនិងការអប់រំជាមូលដ្ឋានគ្រឹះរបស់មហាវិទ្យាល័យ និងការបង្កើតថ្មី រួមមានទាំងប្រកាន់ខ្ជាប់នូវបាវចនា មហាវិទ្យាល័យនៃ "ខិតខំក្នុងការច្នៃប្រឌិតដោយប្រកាន់ខ្ជាប់នូវសុចរិតភាព; ស្វែងរកការពិតនិងភាពស្អាតស្អំ"។

គ្រូបង្រៀននៅក្នុងមហាវិទ្យាល័យត្រូវបានគេរំពឹងថានឹងមាននូវគុណភាពដូចជា មានមហិច្ឆតា ភាពនឹងនរ ពោរពេញដោយគំនិត និងវិជ្ជាជីវៈ។ សិស្សត្រូវបានលើកទឹកចិត្តឱ្យបណ្តុះស្មារតីនៃការលូតលាស់ផ្ទាល់ខ្លួន ការបំផុសគំនិត ការរៀនសូត្រប្រកបដោយតម្លៃ និងការកែលម្អជាបន្តបន្ទាប់តាមរយៈកិច្ចខិតខំប្រឹងប្រែងរួមគ្នារបស់មហាវិទ្យាល័យ និងនាយកដ្ឋានផ្សព្វផ្សាយនៃគណៈកម្មាធិការបក្សនៃតំបន់ស្វយ័តក្វាងស៊ី មហាវិទ្យាល័យមានបំណងបម្រើមិនត្រឹមតែក្នុងតំបន់ប៉ុណ្ណោះទេ ថែមទាំងប្រទេសជាតិទាំងមូល ពង្រីកឥទ្ធិពលរបស់ខ្លួនដល់អាស៊ាន និងទទួលយកទស្សនវិស័យជាសាកល។ ជារួមមកបេសកកម្មរបស់មហាវិទ្យាល័យគឺបណ្តុះទេពកោសល្យផ្នែកសារព័ត៌មាន និងទំនាក់ទំនងឆ្នើមដែលមានទំនួលខុសត្រូវក្នុងសង្គម ស្មារតីច្នៃប្រឌិត សមត្ថភាពអនុវត្ត មនសិការផ្លូវច្បាប់ និងទស្សនវិស័យអន្តរជាតិ។

មហាវិទ្យាល័យកំពុងខិតខំដើម្បីទទួលបានសិទ្ធិក្នុងការផ្តល់សញ្ញាប័ត្របណ្ឌិតក្នុងកម្រិតកំពូលនៃវិជ្ជាជីវៈសារព័ត៌មាន និងទំនាក់ទំនងក្នុងពេល ឆាប់ៗនេះ។ មហាវិទ្យាល័យមានបំណងចង់បង្កើតខ្លួនជាមហាវិទ្យាល័យសារព័ត៌មាន និងទំនាក់ទំនងដ៏ល្បី ដែលផ្តោតលើការបង្រៀន និងការស្រាវជ្រាវ។ ជាមួយនឹងប្លង់យុទ្ធសាស្ត្រដែលឆ្លុះបញ្ចាំងពីលក្ខណៈពិសេសនៃតំបន់ព្រំដែនភាគខាងត្បូងនៃប្រទេសចិន មហាវិទ្យាល័យមាន គោល បំណងក្នុងការបង្កើតបរិយាកាសសិក្សាដ៏មានភាព រស់រវើក ។